呢樣又會血糖高，個樣又會血糖高，咁係咪咩都唔洗食?

有啲朋友為了控制血糖，直情生果都唔敢食，怕食少少都會血糖飆升。其實生果除咗果糖，仲有好多抗氧化營養同纖維。要知邊啲生果食得，除咗留意升糖指數 (GI) 之外，亦要留意埋嘅升糖負荷(GL)。

依家天氣開始又涼又乾燥，大家可以選擇偏向滋潤類型，例如雪梨，木瓜，李子等。

今次介紹幾種升糖指數同升糖負荷都偏低嘅生果，血糖高嘅朋友都可以食用

一份生果約1杯份量

1. 柚子

2. 西柚

3. 藍莓

4. 車厘子

5. 士多啤梨

6. 橙和柑 （連白絲）

7. 布冧 / 李子 （連皮）

8. 梨 （連皮）

9. 牛油果

10. 番茄 / 車厘茄

至於以上沒有提及的生果，如果想食，就最好份量減少，之後加返活動量。

其實無一樣生果係完全唔食得嘅，最緊要留意返食嘅份量同埋幾時食。