蛋白質係製造肌肉嘅原材料，好多朋友為左練大隻啲就進食好多蛋白質，但係如果唔配合運動，食幾多蛋白質都係無用的~

一般而言，靜態生活模式（即無運動習慣，久坐）嘅成年人每日所需嘅蛋白質攝取量為每公斤體重x 0.8-1克。

例如一名60公斤重嘅成年人，一日需要48-60克蛋白質攝取。

蛋白質需求會隨著運動量而增加。進行負重運動時肌肉因拉扯而受損，運動後補充適量蛋白質和碳水化合物有助修補肌肉，達至增肌嘅效果。

如本身無運動習慣，單純增加蛋白質攝取並唔能夠增加肌肉量。有部分人食大量肉類，但無配合運動去建構肌肉，過多嘅蛋白質同脂肪攝取都會轉換成脂肪儲備，最後「增肌」變成「增脂」。

至於有運動習慣嘅人每日嘅蛋白質需求因運動量同劇烈情度而異，有需要可咨詢營養師。